බ්‍රසීලයේ ශ්‍රී ලංකා තානාපති කාර්යාලයේ ‘ලතින් ඇමරිකාවේ ශ්‍රී ලංකාව ප්‍රවර්ධනය කරන්න’ යන ප්‍රචාරක ව්‍යාපාරයේ කොටසක් ලෙස බ්‍රසීලයේ ශ්‍රී ලංකා තානාපති සුමිත් දසනායක මහතා සුප්‍රසිද්ධ බ්‍රසීල නිවේදක විලියම් ඊඕ මුන්ඩෝ සමඟ රූපවාහිනී සම්මුඛ සාකච්ඡාවකට සහභාගී විය.
මිනිත්තු 30ක ගුවන් කාලය තුළ තානාපතිවරයා දූපත් රාජ්‍යයක් ලෙස ශ්‍රී ලංකාවේ විවිධත්වය සහ සුවිශේෂත්වය පැහැදිලි කළේය.
කොළඹ වරාය නගර ව්‍යාපෘතිය සම්බන්ධයෙන් විශේෂ සඳහනක් කරමින් වෙළෙඳ, සංචාරක සහ ආයෝජන යන ක්ෂේත්‍රවල බ්‍රසීල ජාතිකයන්ට සහ දකුණු ඇමෙරිකානුවන්ට ශ්‍රී ලංකාව තුළ ඇති අවස්ථා පිළිබඳව ද තානාපති දසනායක මහතා අවධාරණය කළේය.
මෙහිදී ලංකා තේ කර්මාන්තය කෙරෙහි විශේෂ අවධානයක් යොමු කෙරුණු අතර ලංකා තේ කෝප්පයක් පිළියෙළ කරන ආකාරය පිළිබඳ ආදර්ශනයක් ද ඇතුළත් විය.
නුවරඑළිය, උඩ පුස්සැල්ලාව, දිඹුල, ඌව, මහනුවර, සබරගමුව සහ රුහුණ යනාදී ශ්‍රී ලංකාවේ සංචාරක ස්ථාන සහ ශ්‍රී ලංකාවේ භූගෝලීය උන්නතාංශයන් නියෝජනය කරන ලංකා තේ සාම්පලවල පින්තූර ද වීඩියෝවට ඇතුළත් කර ඇත.
මූලාශ්රය: Daily News
